Síðasti fyrirlesturinn

Randy Pausch, höfundur bókarinnar, Síðasti fyrirlesturinn (Last Lecture), lést fyrir aldur fram, aðeins 46 ára gamall. Þegar hann fékk að vita að hann ætti örfáa mánuði eftir ólifaða varð honum hugsað til hefðarinnar um „síðasta fyrirlesturinn“ en undir þeirri yfirskrift eru kennarar í bandarískum háskólum beðnir um að líta yfir starfsferil sinn áður en þeir ljúka störfum.

Þegar hann þurfti að kveðja sinn starfsvettvang í Carnegie Mellon háskóla þar sem hann var prófessor í tölvunarfræðum ákvað hann að fjalla um lífsferil sinn í stað starfsferils. Hann beindi þó ekki sjónum sínum að endalokunum heldur mikilvægi þess að stefna að ákveðnu takmarki.

Síðasti fyrirlesturinn hlaut heimsathygli vegna hinna uppörvandi skilaboða sem sett eru fram af einstökum húmor, visku og skilningi á mannlegu eðli.

Ólöf Pétursdóttir þýddi bókina.

Athugasemdir

[Jóhann G. Frímann, 21.11.2008 kl. 17:41]

Er bókin komin út?

[Bókaútgáfan Salka ehf, 24.11.2008 kl. 10:22]

já, þú getur fengið hana í öllum betri bókaverslunum

[Jóhann G. Frímann, 24.11.2008 kl. 18:29]

Salka mín. Þetta er frábær bók og vonandi versnaði hún ekki við yfirlestur minn! Sláandi að sjá höfundinn svona ljóslifandi í myndinni hér frá síðasta fyrirlestrinum. Randy Pausch var magnaður karakter. Fær yfirlesarinn ekki sent eintak? Svo er hann meira en tilbúinn í meira. Það er gaman að gera góða texta enn betri.